Mjekja gjinekologe, Anika Dokle ka reaguar lidhur me deklarata e fundit të mjekëve dhe autoriteteve të shëndetësisë të cilët bëjnë parashikime se çdo të ndodhë në vjeshtë lidhur me virusin e ri COVID-19.
Në një postim në rrjetet sociale, ajo i quan ata kurajozë të mëdhenj dhe shkruan me ironi se meqë nuk qullosën gjë me parashikimet për beharin dhe tani kthejnë filxhanin edhe për dimrin.
Ndërkohë, më tej jep dhe disa këshilla për të bërë kujdes.
Postimi i plotë:
Kurajozë të mëdhenj janë këta “mjekët” që nuk qullosën gjë me parashikimet për beharin dhe tani kthejnë filxhanin edhe për dimrin.
Nuk është ndonjë shkencë e madhe t’u thuhet njerëzve që virusi ka trajektoren e vet(bota ka njohur dhe pandemi të tjera virale) dhe deri në përfundim të saj duhet bërë kujdes sipas disa këshillave të thjeshta:
-Mos frekuentoni vende me shumë njerëz.
-Mos frekuentoni vende të mbyllura dhe të paventiluara mirë.
-Të përdoret maska në ambjente ku njerëzit nuk ruajnë dot distancën mbi 2 metra nga njëri-tjetri.
-Të bëhet higjienë më e kujdesshme e mjedisit ku jeton dhe punon.
-Ushqehuni mirë, pini mirë, flini mirë.
-Ndiqni vetëm këshillat e ekspertëve të mirëfilltë, për të ruajtur shëndetin mendor.
Dhe ju “ustallarëve” që bëni kronikanin e vdekjeve të paralajmëruara pa qenë as epidemiologë dhe as reanimatorë, u them: Na u hiqni sysh!!
/En.Br./Fjala.al
