Forumi Ekonomik i Vjenës i rekomandoi Komisionit Evropian të financojë ndërtimin e linjave hekurudhore të shpejta, njëra prej të cilëve propozohet të kalojë në Shqipëri.
Linja që supozohet të kalojë në Shqipëri, do të nisë në Berlin, Ceki, Austri, Kroaci, Bosnjë-Hercegovinë, Mal i Zi, Shqipëri, Kosovë, Bullgari, Serbi, Rumani, Hungari. Një degëzim i kësaj linjë propozohet të shtrihet nga Sofja, në Maqedoni, pastaj nga Greqia deri në Qipro.
Hekurudha duhet të lidhë qytetet më të zhvilluara të Evropës me vendet e pazhvilluara të kontinentit me vendet e rajonit. Ndërsa linjat e tyre të propozuara do të lidhin vendet e baltikut me Spanjën.
Propozimi synon ndërtimin e një rrjeti hekurudhor të shpejtësisë së lartë 250-300 kilometër në orë me katër linja kryesore që lidhin të gjitha kryeqytetet e BE-së dhe vendet e Ballkanit Perëndimor kandidat për BE.
Në Shqipëri supozohet që hekurudha e shpejtë të kalojë në Shkodër dhe më pas të vijojë në Lezhë dhe përmes rrugës së Kombit të përshkojë Kosovën e më tej të vijojë deri në Bullgari.
Mbivendosja e hekurudhës është propozuar të ndjekë rrjetin ekzistues Trans Evropian të Transportit, por për shkak të dallimeve të mëdha teknike në sistemet nacionale hekurudhore, duhet theksuar se rrjeti i ri duhet të ketë një infrastrukturë shtesë me standardet e veta teknike.
Në total rrjeti i ri hekurudhor i shpejtësisë së lartë parashikohet të jetë 18,249 kilometër e gjatë. Shtrirja e kësaj linje në Ballkanin Perëndimor pritet të jetë 1,564 kilometër e gjatë me një kosto prej 49 miliardë eurosh. Ekzaktësisht në Shqipëri rrjeti supozohet të jetë i gjatë prej 304 kilometër dhe kostoja e tij do të jetë 7 miliardë euro.
