Kryeministri Edi Rama i është përgjigjur Presidentit Ilir Meta i cili i tha se me ndryshimet kushtetuese Rama e çoi veten drejt përplasjes me popullin.
Rama iu drejtua Metës duke e quajtur “shkelës recidiv të Kushtetutës”, por që Kuvendi nuk e shkarkoi. Më tej Rama i thotë kreut të shtetit se është bërë ‘qesharak’ si Haxhi Qamili që nga llogorja Presidencës po bën luftë politike duke sulmuar ambasadorët.
“Ilir, ti je nje shkelës recidiv i Kushtetutës sipas Venecias, por po sipas Venezias e ke shkelur, po jo aq rëndë Kushtetutën sa për t’u shkarkuar!Dhe ne që shkeljet e tua i mbajtëm në kurriz,respektuam Venecian e s’të shkarkuam,sepse jemi të përgjegjshëm në përfaqësimin e vendit!
Por siç nuk i ndalove dot zgjedhjet vendore dhe siç nuk e fute dot në zjarr Shqipërinë dje, nuk ke asnjë shans ta ndalosh Kushtetutën e Shqipërisë të jetë detyruese edhe për ty, ashtu sikundër s’ke asnjë shans të ndezësh zjarrin e ëndërruar të konfliktit të popullit me shtetin!
Prandaj boll u bëre dhe na bëre të gjithëve qesharakë si shtet, duke e përdorur zyrën e Presidentit si llogore lufte politike, duke sharë ambasadorët siç bënte Haxhi Qamili e duke i folur vetes në vetë të tretë si Luigji XIV! Boll se s’të ka askush asnjë borxh, jo më Shqipëria!”, shkruan kryeministri Rama në Twitter./Re.Gu/Fjala.al
