Ish-deputeti dhe ish-kandidati për kreun e bashkisë së Lezhës, Eduart Ndocaj ka folur rreth zhvillimeve të fundit politike.
Gjatë një interviste për “Abc News”, ai e konsideroi Lezhën si një “lopë e mirë për t’u mjelë” për politikën, si dhe vendimin e qeverisë për ndalimin e muzikës pas orës 20:00 të mbrëmjes.
“Lezha është një qytet i vogël dhe të gjitha forcat politike duan të marrin. Bashkia e Lezhës le të themi është një lopë e mirë për t’u mjelë për politikën dhe ia kanë dalë. Ndalimin e muzikës e quaj të nxituar dhe të pakoordinuar. Të mendosh që virusi është aktiv pas orës 8 lë shumë për të dëshiruar”, u shpreh Ndocaj.
Ndocaj deklaroi se do të kandidojë për deputetet në zgjedhjet e ardhshme parlamentare nën logon e partisë Aleanca Demokristiane.
“Ne kemi një politikbërje të degraduar. Basha dhe Rama nuk kanë diferencë për mua,. Do jem kandidat i Aleancës Demokristiane”, u shpreh Ndocaj.
/En.Br./Fjala.al
