Dy persona janë vënë në pranga nga policia e Fierit, pasi akuzohen për prodhim dhe shitje të lëndëve narkotike.
Sipas burimeve zyrtare, pas hekurave kanë përfunduar shtetasit L. M., 30 vjeç dhe N. M., 31 vjeç, të dy banues në Fier.
Sipas burimeve zyrtare, nga kontrolli i ushtruar në banesat e këtyre shtetasve, u gjetën dhe u sekuestruan në cilësinë e provës materiale 5.1 kg lëndë narkotike e dyshuar cannabis sativa, e paketuar, e gatshme për t’u hedhur në treg.
Gjithashtu, gjatë kontrollit u gjetën dhe u sekuestruan në cilësinë e provës materiale një krehër me 6 fishekë, 4 aparate celularë, 1 automjet dhe një sasi parash.
Materialet procedurale do t’i kalojnë Prokurorisë pranë Gjykatës së Shkallës së Parë Fier, për veprat penale “Prodhimi dhe shitja e lëndëve narkotike” e kryer në bashkëpunim dhe “Mbajtja pa leje e municionit luftarak”.
/En.Br./Fjala.al
https://www.facebook.com/policiashtetitshqiptar/videos/1464516683749450/
