Mijëra fotografë nga e gjithë bota kanë marrë pjesë në konkursin e 13-të të imazheve më mbresëlënëse me iPhone. Dhjetra fotografi pasqyrojnë botëkuptime të fuqishme, nga peisazhe të gjera deri në një pemë të vetme, nga rrugët e qytetit deri në shkretim të largët, nga mundimet dhe vështirësitë e njerëzve deri në një moment intim në diell.
Por fituesi i çmimit të madh është shpallur fotografi i rrugës Dimpy Bhalotia ( Britani). Në imazhin e shkrepur prej tij, tre djem shihen teksa kapërcejnë një mur në lumin Ganges; gjymtyrët e tyre përcjellin pashmangshmërisht tension, ekspresivitet. Artyom Baryshau është përzgjedhur për vendin e dytë, me fotografinë e titulluar “Pa Mure”. Ndiqet nga Saif Hussain (Irak), i cili ka konkurruar me portretin e një burri të moshuar, të kapur midis aspekteve të vetvetes.
Në këtë konkurs kanë marrë pjesë fotografë nga pothuajse çdo cep i botës, përfshirë Australinë, Bahreinin, Bjellorusinë, Kanada, Kinë, Kolumbi, Francë, Hong Kong, Itali, Irak, Izrael, Japoni, Hollandë, Peru, Filipine, Portugali, Singapor, Spanjë, Tajvan, Mbretëria e Bashkuar dhe Shtetet e Bashkuara. /Ra.My,Fjala.al/
