Një 30-vjeçar ka humbur jetën tragjikisht ditën e sotme duke u mbytur në lumin e Vjosës. Ngjarje ka ndodhur rreth orës 13:40, në fshatin Selisht.
Ai është futur për të shuar vapën në ujërat e lumit Vjosë, por ka gjetur vdekjen. Burime bëjnë me dije se viktima është shtetasi Armando Begaj nga fshati Gorishovë njësia administrative Cakran, i martuar dhe me një vajzë.
Armando Begaj ka qënë së bashku me dy shokët e tij, e ndërsa ka kërkuar ndihmë, shokët kanë kujtuar se ai po tallej. Kur kanë parë që trupi po fundosej dhe e mori rrjedha e lumit, kanë kërkuar ndihmë, por nuk kanë mundur që ta shpëtojnë.
Policia dhe polumbarët po punojnë për gjetjen e trupit të 30-vjeçarit. Grupi hetimor po punon për zbardhjen e plotë të ngjarjes.
/En.Br./Fjala.al
