Dy simptoma të reja të koronavirusit janë zbuluar nga shkencëtarët të cilët nuk ishin vërë re më parë. Bëhet me dije se disa pacientë të infektuar me Covid-19 kanë shfaqur simptoma si humbja e dëgjimit dhe rënia e flokëve.
Tim Spentor, profesor i epidemiologjisë gjenetike në King’s College London dhe studiuesi kryesor i studimit të simptomave të Covid-19 është shprehur se kanë parë disa pacientë që shfaqin këto simptoma. Virusi mund të jetë fajtor por gjithashtu ekspertët thonë se ka edhe shpjegime të tjera.
“Një formë e humbjes së flokëve të quajtur effluvium telogjen mund të rezultojë në humbje të përkohshme të flokëve, si rezultat i një numri shkaktarësh, duke përfshirë ethet, të cilat mund të shpjegojnë disa raste të humbjes së flokëve të raportuara me infeksion Covid-19“, ka thënë Dr Tanya Bleiker, nënkryetare rajonale e Shoqatës Britanike të Dermatologëve.
Ndërsa një përmbledhje sistematike e provave zbuloi disa raporte të humbjes së dëgjimit te njerëzit që kanë pasur Covid-19, por cilësia e studimeve ishte e ulët.
Sidoqoftë, në punën e mëvonshme nga i njëjti ekip gjetën 16 nga 121 pacientë të cilët kuroheshin në spital për Covid-19 se kishin ndryshime në dëgjimin e tyre tetë javë pas shërimit. Kevin Munro, profesor i audiologjisë në Universitetin e Mançesterit, i cili drejtoi studimin, tha se ai kishte marrë postë elektronike nga njerëz që raportonin probleme dëgjimi pasi kishin Covid-19.
“Në teori, mund të ketë një lidhje sepse ne e dimë se disa viruse mund të shkaktojnë humbje të dëgjimit, fruthi dhe shyta për shembull” tha ai, duke shtuar se Covid-19 mund të shkaktojë sindromën Guillain-Barré – një gjendje që prek nervat dhe është e lidhur deri te neuropatia dëgjimore./Re.Gu/Fjala.al
