Presidenti Ilir Meta i përcolli mesazh ngushëllimi kryeministrit Edi Rama për humbjen e nënës së tij, Aneta.
Përmes një postimi në rrjetin e tij social Facebook, teksa ka publikuar një foto të familjes Rama, Meta shpreh ngushëllime për ndarjen nga jeta të Aneta Ramës.
“Ngushëllimet më të sinqerta për familjen Rama, për ndarjen nga jeta të nënës dhe gjyshes së tyre të dashur Aneta. U prehtë në paqe!” shkruan Meta në një postim në facebook.
Aneta Rama u nda nga jeta në moshën 82-vjeçare. Ajo ishte e sëmurë, ndërsa prej ditësh ndodhej e shtruar në spital. Një javë më Aneta Rama kishte lënë spitalin dhe qëndronte në shtëpinë e saj.
Kujtojmë se përcjellja për në banesën e fundit do të bëhet në orën 17.00 në varrezat e Sharrës dhe për shkak të pandemisë do të ketë numër të kufizuar njerëzish./Bl.Ba/Fjala.al
