Dy shqiptarë janë vënë në pranga në Manchester të Britanisë, pasi akuzohen për prodhim dhe trafikim të lëndëve narkotike.
Pas hekurave kanë përfunduar shtetasit Olsi Goga dhe Valten Gjini, të dy nga 33 vjeç.
Ata janë ndaluar nga oficerët pasi vunë re një VW Passat që po drejtohej për në Kingsëay në Burnage. Pas sinjalizimit nga policia, ata vendosën të ndalonin dhe gjetja e kanaçeve për ujitje dhe pleh në makinë shtuan dyshimet e policisë. Kur u pyetën, shqiptarët nuk dinë çfarë të thonin.
Në përpjekje për të provuar identitetin e tyre, ata ofruan që t’i çonin oficerët në adresën e tyre. Kur mbërritën, oficerët ndjenë erën e kanabisit. Kanabisi ishte në një dollap ajrimi dhe paratë e gatshme u futën në sirtarët e TV.
Policia vlerësoi se ekzistonin rreth 15 kilogramë kanabis, e cila mund të kapte vlerën 45,000 paund nëse shiten me shumicë, ose 150,000 nëse shitej në rrugë.
Autoritetet policore zbuluan gjithashtu dhe një shumë parash midis 10,000 dhe 15,000 paund.
Pas vlerësimit të rastit, gjykatësi i burgosi të dy shqiptarë me 12 muaj burg secilin./En.Br./Fjala.al
