21-vjeçari shpallet “kampion” me Juventusin, parakalon Lushtën, i bashkohet Krieziut. Ndërkohë, ai është i pari lojtar që luan brenda të njëjtit sezon si në Serinë A, ashtu edhe në Serinë B dhe në Serinë C të kampionatit italian të futbollit. Ka kaluar një sezon kryesisht në prapavijën e klubit të Juventusit, duke provuar fatin sa si i huazuar në skuadrën e Çitadelës, në Serinë B, ku u aktivizua në 4 ndeshje si zëvendësues, e sa tek skuadra e dytë e Juventusi në Serinë C, ku gjithashtu u aktivizua në 3 ndeshje si zëvendësues, duke shënuar edhe një gol.
Por futja në fushë 11 minutat para fundit të kohës së rregullt të humbjes 1-3 që Juventusi pësoi në fushën e vet në ndeshje e fundit të këtij sezoni të Serisë A, mjaftoi që Xhakomo Vrioni të hyjë në historinë e futbollit shqiptar. Ai u bë i dyti shqiptar që shpallet kampion i Italisë, pas Naim Krieziut me Romën në vitin 1942, dhe i pari që e arrin këtë me Juventusin, duke shkuar kështu një hap më larg sesa Riza Lushta, që, po atë vit, kishte fituar Kupën e Italisë me bardhezinjtë e Torinos.
Ndërkohë, Vrioni ka luajtur edhe me fanellën kuqezi të Nën-19 dhe të Nën-21-vjeçarëve, duke spikatur me paraqitjen e tij. Në tetor të këti viti ai mbush 21 vjeçar dhe sulmuesi 1 m e 80 cm i lartë, që peshon 70 kg dhe këmbë të preferuar ka të djathtën, do të kërkojë më tepër nga vetja, tanimë me mantelin e një kampioni në Itali. Dhe ky është padyshim një lajm i mirë edhe për futbollin shqiptar, teksa Vrioni është një nga të rinjtë premtues që trajneri i Kombëtares kuqezi, Edi Reja, e ka në projektin e ti të të ardhmes./Fjala.al
