Java botërore e të ushqyerit me gji nuk ka përkuar në një ditë fortë të mirë, pasi pandemia ka përfshirë botën.
Marrë shkas nga kjo situatë Ministria e Shëndetësisë ka bërë një sqarim për nënat e infektuara me Covid-19.
Ajo i rekomandon atyre të ruajnë rregullat standarde për mbrojtjen ndaj Covid-19, duke këshilluar se ushqyerja me gji përbën rrezik për foshnjën.
A duhet që i porsalinduri të vendoset në gji, nëse nëna është konfirmuar se ka COVID-19?
Po! Përfitimet e shumta nga kontakti fizik dhe fillimi i hershëm i ushqyerjes me gjë i tejkalojnë ndjeshëm rreziqet e mundshme të transmetimit të sëmundjes së lidhur me Covid-19.
“Java botërore e ushqyerjes me gji
Ushqyerja me gji përmirëson mbijetesën e foshnjës, siguron shëndet gjatë gjithë jetës dhe ka avantazhe të padiskutueshme në zhvillimin e fëmijës. Ushqyerja me gji përmirëson gjithashtu shëndetin e nënave duke i mbrojtur ato nga disa sëmundje.
Gratë me COVID-19 gjithashtu mund të ushqejnë foshnjat me gji.
Ato duhet:
-Të lajnë duart shpesh me ujë e sapun ose t’i dezinfektojnë ato me pastrues duarsh me bazë alkooli;
-Të mbajnë maskë gjatë çdo kontakti me beben;
-Të teshtijnë apo kolliten në një shami letre higjenike njëpërdorimshe;
-Të pastrojnë dhe dezinfektojnë rregullisht sipërfaqet e prekura.
Nuk duhet shmangur ose ndaluar ushqyerjen me gji, ndaj një grua me COVID-19 duhet të mbështetet për:
-Ushqyerjen e sigurt me gji
-Mbajtjen e të porsalindurit të saj në kontakt me lëkurën
-Mbajtjen e fëmijës afër saj në të njëjtën dhomë”, thotë MSH.
Bo.Ba/fjala.al
