Mjeku Andrin Tahiri u ka bërë thirrje qytetarëve që të respektojnë masat për parandalimin e koronavirusit, e cila sipas tij është një nga emergjencat më të larta në nivel global.
Mjeku Tahiri shprehet se do të vazhdojmë të përballemi me këtë armik por njëkohësisht duhet të edukojmë sjelljen tonë.
Mesazhi i tij është ndarë nga ministrja e Shëndetësisë Ogerta Manastirliu e cila kërkon të bëhet kujdes.
Postimi i Ogerta Manastirliu
Është e dukshme që situata e epidemisë do të vazhdojë. Do vazhdojmë edhe ne të përballemi. Por duhet të dimë të përshtatemi me këtë lloj situate, duke edukuar sjelljen tonë. Ju lutem bëni kujdes!“
Fjala e plotë e mjekut
“Covid-19 konsiderohet si emergjenca më e lartë në nivel global. Ju flas si mjek, si koleg, si prind dhe si biri i një nëne të moshuar që rriskon në situatën që është. Është e dukshme që situata e epidemisë do vazhdojë.Do vazhdojmë edhe ne të përballemi. Por duhet të dimë të përballemi në këtë lloji situate duke edukuar sjelljen tonë.Respektoni rregullat e higjienës, evitoni ardhjet në spital, përdorni maskat dhe respektoni distancat. Maska është kaq e thjeshtë për t’u mbajtur. Jemi përballë një realitetit jo të lehtë”
Bo.Ba/fjala.al
