Zërat se shpërthimi në Beirut, Liban, ishte një sulm dhe jo incident po shtohen gjithnjë e më shumë dhe po bëhen gjithnjë e më të fortë.
Pas presidentit të SHBA-së, Donald Trump, një deklaratë të fortë për shpërthimin që shkaktoi 135 të vdekur dhe 5 000 të plagosur ka dhënë dhe presidenti i Turqisë Rexhep Tayyip Erdogan.
Ai hodhi versionin se ka dyshime se kemi të bëjmë dhe me një sulm me raketa, por theksoi se askush s’duhet të nxitohet në përfundime.
“Ky shpërthim është i dyti i kësaj përmase vitet e fundit në Beirut, pas vrasjes së kryeministrit Hariri. Sigurisht, ky i fundit kishte përmasa më të mëdha. Ne jemi duke punuar, po ashtu edhe shërbimet tona sekrete. Ka të dhëna se shpërtheu nitrati, të dhëna të tjera flasin për sulm me raketa, ende nuk e dimë saktësisht këtë. Për aq sa nuk kemi diçka të sigurt, nuk na shkon neve politikanëve që të bëjmë deklarata të nxituara”, tha Erdogan.
/En.Br./Fjala.al
