Dy shqiptarë janë konfliktuar me njëri-tjetrin, pas orës 15:00 të së dielës në një kafene në Heraklion në Lamia.
Ata filluan të grindeshin me njëri-tjetrin, për arsye ende të panjohura deri më tani. Njëri prej tyre madje njoftoi vëllezërit e tij, të cilët nxituan të vinin në kafene, por pa mundur të qetësojnë situatën. Shqiptari i inatosur theu shishet e birrës dhe vazhdimisht kërcënonte bashkatdhetarin, ndërsa në të njëjtën kohë vëllezërit e tij u përpoqën më kot ta “qetësonin”.
Sipas mediave helene, pak më vonë, burri la kafenenë në mllef dhe u nis për në zonën e Damasta, ku jetonte shqiptari tjetër. Ai shkoi në shtëpinë e tij dhe kërkoi gruan, të cilën nuk ngurroi ta godiste në kokë me një copë druri.
“Ai shkoi në shtëpi dhe e goditi gruan time me shkop, tani EKAB po e çon atë në spital” , tha burri i saj, disa minuta pas incidentit në një stacion karburanti lokal, ku ai bisedoi me banorët e frikësuar që e pyetën se çfarë kishte ndodhur.
“Ne pamë se kishte tension dhe se në një moment njëri prej tyre u largua dhe u nis për në Damasta. Ne nuk mund ta imagjinonim që ai të godiste gruan e tjetrit. Kishte tension, ata u kapën me duar… “theksoi një tjetër dëshmitar.
Gruaja u transportua për në spital për të marrë ndihmën mjekësore, ndërsa autori u ndalua nga policia./En.Br./Fjala.al
