Një aksident i rëndë automobilistik është regjistruar pasditen e sotme në aksin rrugor Klos – Burrel.
Një automjet ka përplasur për vdekje një kalimtar në rrugë në afërsi të urës së Shul Batrës. Burime bëjnë me dije se viktima është shtetasi Bajram Muça, 70 vjeç. Ai është dërguar në spitalin e Burrelit por nuk ka mundur të mbijetojë plagëve të marra.
Ndërkaq i plagosur ka mbetur edhe shoferi, i cili ndodhet në gjendje të rëndë. Mësohet se automjeti drejtohej nga një 73-vjeçar i cili po udhëtonte me bashkëshorten nga Dibra drejt Tiranës.
Policia ka nisur hetimet për zbardhjen e plotë të rrethanave të aksidentit./En.Br./Fjala.al
