“Arrest me burg” ka caktuar Gjykata e Elbasanit, për Euglen Halilin dhe Xhuljano Hoxhën, dy të dyshuarit për vrasjen e Emiljano Ramazanit dhe Regis Runajt, në Elbasan.
Dy të dyshuarit dolën sot para gjykatës, e cila vendosi që ti lërë pas hekurave në pritje të hetimeve.
Euglen Halili u arrestua më 8 gusht, së bashku me Xhuljano Hoxhën, si të dyshuar kryesor për vrasjet e bujshme të Regis Runaj dhe të Emiljano Rramazanit.
Sipas policisë, 23 vjeçari Euglen Halili është vrasësi i Regis Runajt, të cilin e ka goditur një herë me thikë pas shpine dhe më pas 26 herë të tjera, duke i shkaktuar vdekjen.
Gjithashtu nga hetimet rezultoi se Halili dhe Hoxha janë paguar nga disa persona të tjerë, që të ndiqnin lëvizjet e Emiljano Ramazanit, i vrarë më 20 korrik, në qytetin e Elbasanit./Bl.Ba/Fjala.al
