Aeroporti Ndërkombëtar “Nënë Tereza” bën një njoftim me rëndësi, për të gjithë ata që duan të udhëtojnë me avion drejt Greqisë.
Bëhet me dije se të gjithë pasagjerëve do ju kërkohet testi për koronavirusin. Në vëmendjen e pasagjerëve që fluturojnë për në Athinë nga 17 Gusht – 31 Gusht njoftohet se:
Aegean Airlines deklaroi, se pasagjerët që do fluturojnë për në Greqi nga data 17 gusht deri më 31 gusht, të cilët kanë një pasaportë të BE ose leje qëndrimi në Greqi, janë të detyruar të shfaqin testin molekular negative (pcr) për Covid-19, të kryer deri në 72 orë para mbërritjes në Greqi.
Kjo certifikatë, në anglisht, duhet të përmbajë emrin dhe pasaportën ose numrin e identitetit të personit dhe të cilin ata i shfaqin pranë oficerëve të sekretarisë së përgjithshme për mbrojtjen civile, pas mbërritjes në Greqi.
Linjave ajrore u kërkohet të verifikojnë këtë certifikatë para se të hipin në avion dhe në mungesë të kësaj certifikate, pasagjerët nuk e kanë të mundur udhëtimin.
Pasagjerët e përjashtuar për të shfaqur provë molekulare negative (pcr) për Covid-19 në lidhje me fluturimet nga Shqipëria, Rumania, Bullgaria, Emiratet e Bashkuara Arabe, Malta Suedia, Belgjika, Spanja, Hollanda, Republika Çeke, dhe Maqedonia veriore janë më:
Pasagjerët në Transit (fluturime ndërkombëtare dhe mos largimi nga ambientet e aeroportit) Fëmijët deri në 10 vjeç.
Para check-in:
Është e detyrueshme që të gjithë pasagjerët në fluturimet ndërkombëtare të plotësojnë formularin elektronik të pasagjerëve të lokalit të botuar në: https://travel.gov.gr një ditë më parë para mbërritjes.
Pasagjerët do të marrin një kod QR i cili do të përdoret nga Mbrojtja Civile Hellenike për identifikimin e testit Random Covid-19 pas mbërritjes.
Pasagjerët duhet të mbajnë dhe të jenë në gjendje t’i demonstrojnë autoriteteve, kodin QR në një format elektronik ose të shtypur, pas mbërritjes./Bl.Ba/fjala.al
