Për vaksinën anti COVID-19 ka një “luftë” mes lindjes dhe perëndimit dhe e para që do e hedhë në treg duket se do të jetë Rusia, edhe pse të shumtë janë skeptikët për vaksinën e saj.
Presidenti rus Vladimir Putin njoftoi se vaksina e quajtur “Sputnik V” ka kaluar dy testet e para dhe tashmë pritet ai përfundimtar, ndërkohë që në shtator është parashikuar që të jetë gati për personelin shëndetësor.
Drejtuesit e firmës farmaceutike ruse R-Farm gjatë një intervistë për mediat ruse kanë zbuluar dhe çmimin e pritshëm të eksportit për një dozë, e cila do të jetë jo më pak se 10 dollarë.
“Me shumë gjasa, dozat do të shiten jo më pak se 10 dollarë. Seritë e para të dozave do të jenë më të shtrenjta, por çmimi i vaksinës do të bjerë gradualisht me masivizimin e prodhimit industrial të saj”, tha Aleksei Repik, drejtues i firmës farmaceutike, R-Pharm.
Ende pa u hedhur në tregun vendas, të shumta kanë qenë kërkesat e tregut botëror. Autoritetet ruse thonë se nga vendet e Amerikës Latine, Lindjes së Mesme dhe Azisë janë kërkuar 1 miliardë doza, teksa kapacitetet prodhuese aktualisht garantojnë vetëm gjysmën./En.Br./Fjala.al
