Një infermiere në Kosovë ka humbur betejën me COVID-19 gjatë ditës së djeshme. 63-vjeçarja Shkurte Gecaj nga Peja, mësohet se është vjehrra e deputetit të Kuvendit të Kosovës, Veton Berisha.
Lajmin e hidhur e ka bërë të ditur vetë deputeti në rrjetin social “Facebook”.
“Të dashur familjar, miq, gjithë ju dashamirës, Ju njoftoj që sot më datë 13 gusht 2020 ndërroj jetë e dashura jonë vjehrra ime Shkurte Gecaj në moshën 63 vjeçare.
Várrimi i së ndjerës do të bëhet nesër më 14 gusht 2020, në várrezat e fshatit Novosellë të Komunës së Pejës në ora 18.00 h, duke respektuar rregullat e rekomanduara nga Institucionet Shëndetësore.
Për ne mbetesh heroinë e vërtetë pasi që e sfidove veten deri në fund duke ndihmuar të tjerët për të shpëtuar nga ky Covid famkeq!
Do të mbetesh gjithmonë në kujtimet tona. Zoti të shpërbleftë më Xhennet. Faleminderit të gjithëve për lutjet tuaja! Me respekt Veton Berisha”, shkruan ai./B.Ba/Fjala.al
