Pas situatës kaotike, vuajtjes në mes të vapës dhe radhës kilometrike me të cilën përballen prej gati 48 orësh shqiptaret që duan te kthehen ne Greqi, reagon ashper Presidenti i vendit, Ilir Meta.ilir meta
Duke postuar pamje nga çfarë po ndodh në këtë pikë të kalimit kufitar me Greqinë, radhën pafund të automjeteve dhe shqiptarëve që po torturohen në pritje, Meta i bën thirrje të fortë Qeverisë dhe Ministrisë për Europën dhe Punët e Jashtme.
“Të vendosin kontaktet me palën greke, për të marrë të gjitha masat për lehtësimin dhe garantimin e lëvizjes së lirë të qytetarëve në anën tjetër të kufirit”- thekson Meta, duke shtuar se “Zgjidhja duhet të jetë e menjëhershme!”
Mesazhi i Metës
Thellësisht i shqetësuar për situatën në të cilën ndodhen qytetarët shqiptarë të cilët vijojnë të jenë të bllokuar prej shumë orësh në pikën kufitare të Kakavijës, duke u ekspozuar seriozisht para rrezikut të përhapjes së pandemisë COVID-19.
I bëj thirrje urgjente Qeverisë dhe Ministrisë për Europën dhe Punët e Jashtme, të vendosin kontaktet me palën greke, për të marrë të gjitha masat për lehtësimin dhe garantimin e lëvizjes së lirë të qytetarëve në anën tjetër të kufirit. Zgjidhja duhet të jetë e menjëhershme!
