Sot 100 vjet më parë gruaja shqiptare ka fituar të drejtën e votës. Ngjarja e rrallë që pak e kujtojnë, por një nga shtyllat e rëndësishme e një shteti është fitimi i të drejtës së votës nga gratë.
Shteti në të cilin gratë kanë fituar të drejtë vote për herë të parë në botë është Zelanda e Re. Në 1893 gratë në Zelandën e Re kanë votuar për herë të parë. Ndërsa në 1920 në Shqipëri për herë të parë femrat fituan të drejtën e votës, vendim ky i marrë nga qeveria e asaj kohe e cila mori shkak nga Shtetet e Bashkuara të cilat po atë vit vendosën që gratë të votonin.
Në 1920 sapo filloi jeta parlamentare e Shqipërisë kanë pasur të drejtë vote dhe gratë shqiptare. Edhe pse historia nuk i ka dhënë rëndësinë e duhur, kujtojmë se në vitin 1919, Parashqevi Qiriazi ka marrë pjesë në Konferencën e Paqes në Paris si përfaqësuese e delegacionit shqiptaro-amerikan dhe ka qenë e vetmja delegate femër nga të gjitha vendet pjesëmarrëse./Re.Gu/Fjala.al
