Autoritetet greke kanë vendosur disa kufizime në ishujt më të populluar gjatë sezonit turistik. Bëhet fjalë për Mykonos dhe rajonin verior të Halkidiki, kjo masë u morë menjëherë pas rritjes së ndjeshme të rasteve të Covid-19.
Masat e reja parashikojnë ndalimin e festave, tregjet në natyrë dhe ceremonitë fetare, ndërsa në restorante nuk do të lejohet të ulen më shumë se katër persona në një tryezë, vetëm në rast se ata janë anëtarë të një familje të vetme. Ndërsa maska mbrojtëse ashtu si në të gjithë botën janë të detyrueshme në hapësirat brenda.
Masat e marra nga autoritetet greke do të hyjnë në fuqi të premten për të paktën 10 ditë. Sipas Qendrës Evropiane për Parandalimin dhe Kontrollin e Sëmundjeve Greqia ka regjistruar 24.4 raste për 100 mijë banorë në 14 ditët e fundit, vetëm pak nën standardin e BE-së prej 25 rastesh./Re.Gu/Fjala.al
