Të gjithë qytetarët që planifikojnë të udhëtojnë drejt Zvicrës, duke filluar që nga data 20 shtator 2020 do të kryejnë 10 ditë karantinim të detyruar.
Tirana Airport Partners bëri me dije se njoftimi u është përcjellë kompanive ajrore që operojnë në Zvicër, nga qeveria e vendit. Karantinimi nuk përjashtohet as për qytetarët që kanë bërë testin dhe kanë rezultuar negative.
Gjithashtu në njoftim thuhet se nëse rregulli thyhet do të merren sanksione ligjore. Hyrja në Zvicër, ende nuk u lejohet shtetasve shqiptarë, me përjashtim rasteve të veçanta.
“Shtetasit që kanë të drejtë të udhëtojnë nga Shqipëria në Zvicër, qofshin këta pjesëtarë të diasporës me leje qëndrimi në Zvicër apo dhe në vende të tjera të hapësirës Shengen, si dhe shtetas zviceranë e të huaj, të cilët mund të kenë ardhur në Shqipëri për arsye turizmi apo pune, në momentin që duan të udhëtojnë drejt shtetit zviceran janë të detyruar të hyjnë na karantinë për 10 ditë”, njofton TIA./Re.Gu/Fjala.al
