Një 73-vjeçar, me precedent të mëparshëm penale në krimet kundër personit, është arrestuar nga policia e Kamzës, pasi ka plagosur goditur me thikë bashkëshorten në banesën e tij. Pas hekurave ka përfunduar shtetasi N. P., 73 vjeç.
“Në momentin që shërbimet e Policisë janë afruar për të hyrë në banesë, shtetasi i mësipërm, sapo ka parë punonjësit e Policisë ka tentuar të largohet, por fale ndërhyrjes së shpejtë është kapur dhe arrestuar nga shërbimet e Policisë. Shtetasi N. P., pas një konflikti për motive të dobëta ka goditur me thikë bashkëshorten e tij” – thuhet në njoftimin e policisë.
Mësohet se gruaja ndodhet në spital, në gjendje të rëndë shëndetësore.
73-vjeçari akuzohet për veprën penale “Vrasja për shkak të marrëdhënieve familjare” dhe materialet procedurale i kaluan Prokurorisë, për veprime të mëtejshme./En.Br./Fjala.al
