Pesë raste të reja infektimesh me Covid-19, janë konfirmuar nga tamponët e bërë në orët e fundit në qytetin e Kuçovës.
Mes tyre njëri është drejtori i një banke të nivelit të dytë, gruaja e tij dhe një arkëtare banke.
Kjo ka bërë që banka të mbyllet për një javë, ndërkohë që po kryhen tamponë për të zbuluar se deri ku është shtrirë zinxhiri i infektimit.
Ndërkohë edhe dy persona të tjerë, burrë e grua, të cilët punonin në një byrektore, janë konfirmuar të infektuar me koronavirus.
Kjo ka bërë që të prekurit të karantinohen, ndërkohë që byrektorja është mbyllur.
Ndërkohë kujtojmë se qysh nga nisja e pandemisë, në vendin tonë kanë humbur jetën 238 persona./Bl.Ba/Fjala.al
