Rudy Giuliani, ish kryebashkiak i Nju Jorkut dhe avokat personal i Presidentit Donald Trump, ka lëshuar së fundmi një sërë akuzash të paprecedent në Fox News ndaj manjatit të financave, miliarderit hebreo-amerikan George Soros.
Ai tha se miliarderi, i njohur për mbështetjen e tij për gjoja kauzën progresiste, në fakt do që të shkatërrojë qeverinë amerikane. Arsyeja, sipas tij, është pasi në “filantropin” hebreo amerikan ka një “sick background”, një sfond të sëmurë. Giuliani përmend se në kontekstin e donacioneve të Sorosit, bëjnë pjesë subvencionime të rëndësishme ndaj “Black Lives Matter”, një organizatë në SHBA e cila bën thirrje për përmbysjen e qeverisë së Shteteve të Bashkuara.
Giuliani propozon që Presidenti i SHBA duhet t’a shpallë këtë organizatë si terroriste dhe ilegale në SHBA e më tej të mos i lejohet Sorosit t’i bëjë asaj një donacion prej 150 milionë dollarësh.
George Soros është akuzuar edhe më parë se në adoleshencën e tij ka qenë një bashkëpunëtor i nazizmit në vendin e tij të lindjes, Hungari. Në një intervistë prej 60 minutash, të viteve më parë (1998) Soros e ka pranuar rolin e tij prej ‘Funktionshäftling’ (Kapo) gjatë Luftës së Dytë Botërore. Jo rrallë, përtej definimeve me trajta raciste dhe antisemite, ai është përcaktuar si psikosociopat i denjë për manualet e psikologjisë./thealbanianprofile
