Një ngjarje e rëndë është regjistruar në Itali, ku një 50 vjeçar shqiptar ka humbur jetën në mënyrë tragjike ndërsa punonte.
Ngjarja e rëndë është regjistruar në Udine ndërsa mësohet se 50 vjeçari kishte shkuar te një i afërm për ta ndihmuar në lyerjen e mureve të ndërtesës, por fatkeqësisht ai është rrëzuar nga skela dhe ka gjetur vdekjen e menjëhershme.
Ndërkohë policia italiane bën me dije se arsyeja e rënies nga skela është ende e paqartë, ndërsa po punon për zbardhjen e plotë të ngjarjes./Re.Gu/Fjala.al
