Pandemia e shkaktuar nga COVID-19 preku xhepat e të gjithë shqiptarëve por jo vetëm, pasi me një vendim të marrë nga byroja e kuvendit deputetëve do t’u mbahej 50% e rrogës për 3 muaj.
Ky vendim erdhi si një masë e marrë për përballimin e situatës së rënduar ekonomike nga virusi gjë e cila është kundërshtuar vetëm nga deputetë, Myslim Murrizi dhe Artur Roshi.
Murrizi dhe Roshi kanë depozituar në gjykatë një padi e cila kërkon anulimin e vendimit të nr 44 të byrosë së kuvendit në datë 02/04/2020.
Ky vendim parashikonte se deri në përfundim të pandemisë, por jo më shumë se 3 muaj, deputetëve do t’u mbahej nga rroga 50% e pagës neto, vendim të cilin deputetët e kanë kundërshtuar nëpërmjet padisë e cila është siguruar nga ReportTV.
Pas pagimit të pagës së plotë dy deputetët kërkojnë që ti pasqyrohet kjo pagesë edhe në librezën e punës duke i kërkuar gjykatës „Detyrimin e palës së paditur Kuvendi i Shqipërisë që në përputhje me “Statusin e Deputetit” të bëjë korrigjimet përkatëse në librezën e punës dhe atë të kontributeve shoqerore.
Aktualisht kuvendi i Shqipërisë ka 122 deputetët ndërsa vetëm Murrizi e Roshi rezulton se kanë depozituar padinë duke kërkuar gjysmën e pagës së mbajtur për tre muajt Mars, Prill, Maj.
Me pagën e tyre në fondin e veçantë për përballjen me Covid 19 kontribuuan e një sërë institucionesh publike pas letrës së dërguar tek ta prej kreut të kuvendit Gramoz Ruçi. /Ra.My.Fjala.al/
