Pasi kanë kaluar 114 vite, kopshti zoologjik në Shtetet e Bashkuara të Amerikës kërkon falje për adoleshentin afrikan i cili u mbajt në të njëjtin kafaz me majmunët.
Në më shumë se një shekull, historia e të riut ka qëndruar në titujt kryesorë të gazetave më të njohura ndërkombëtare.
Kopshti zoologjik i Bronksit, në Nju-Jork, pas kaq shumë kohësh, ka shprehur keqardhje për të gjithë çka ndodhur.
Kjo ndjesë e tyre vjen pas protestave globale që u nxiti vrasja e George Floyd. Presidenti dhe Drejtori Ekzekutiv i Shoqërisë së Kujdesit të Jetës së egër Cristian Samper, e vuri theksin tek reflektimi i gabimeve që janë bërë sa i përket disa çështjeve, midis tyre edhe kjo e të riut afrikan.
Pak informacion për Ota Benga.
Oto Benga, i riu afrikan u rrëmbye në vitin 1904 nga Republika Demokratike e Kongos dhe më pas u dërgua në Nju Jork.. Bega mund të ketë qenë 12 ose 13 vjeç.
Ai u mor në anije në Nju Orleans për t’u treguar në po të njëjtin vit në Panairin Botëror në St Louis me tetë meshkuj të tjerë.
Panairi vazhdoi gjatë muajve të dimrit ku grupi u mbajt në kushte të pafavorshme, pa strehim dhe veshje të përshtatshme.
Ishte shtatori i vitit 1906 kur u ekspozua për 20 ditë në kopshtin zoologjik Bronx të Nju Jork, ndërsa u pa nga shumë njerëz.
Zemërimi i ministrave të krishterë i dha fund burgosjes së tij. Më vonë u zhvendos në Nju Jork.
Në janar 1910 ai u zhvendos për të jetuar në Kolegjin Teologjik të Lynchburg. Pak kohë më vonë, mësohet se ra në depresion si pasojë e dëshirës së madhe për tu kthyer në shtëpi. Në vitin 1916, qëlloi veten me armë.
