Ndërkohë që na ndajnë pak ditë nga nisja e shkollave 9-vjeçare dhe të mesme në vend, në kushtet kur virusi është mes nesh e po shënon rritje të infektimeve, Ministrja e Arsimit, Sportit dhe Rinisë Besa Shahini ka postuar në rrjetet e saj sociale një video sensibilizuese mbi rëndësinë dhe rregullin e mbajtjes së maskës në shkollë.
“Mbajtja e maskës është e detyrueshme, sepse kjo është e vetmja mënyrë se si ne të mbrojmë veten dhe të tjerët. Gjithsesi, këtë më mirë e sqarojnë nxënësit e shkollës 9-vjeçare “Servete Maçi” në Tiranë nëpërmjet kësaj videoje”, shkruan Shahini në tekstin që shoqëron videon sensibilizuese.
Në video, janë 4 nxënës dhe një mësuese e shkollës 9-vjeçare “Servete Maçi”, të cilët përcjellin mesazhe të rëndësishme mbi nevojën dhe rregullin e mbajtjes së maskës gjatë qëndrimit në shkollë.
Nxënësit tregojnë se si veprohet në shkollë e pse duhet përdorur maska./Bl.Ba/Fjala.al
https://www.facebook.com/shahinibesa/posts/2663801330543630
