Kryeministri Rama në fjalimin e tij në ceremoninë e 100-vjetorit Të Luftës së Vlorës u shpreh që kjo luftë është e veçantë pasi u fitua nga pala objektivisht e humbur.
Ndër të tjera në fjalën e tij Rama iu drejtua dhe kryeparlamentarit Ruçi me anë të një batute.
“Gramoz mos u mërzit se nuk e përjashton kjo të ndjerit borxhli ndaj Tepelenës”, u shpreh Rama gjatë fjalës së tij.
“Nëse pavarësia e tetë viteve para luftës së Vlorës i tregoi botës që shqiptarët ekzistojnë , është lufta e Vlorës, që në shtetin shqiptar ekziston dhe ka forcën e mundësinë të ushtrojë të drejta të patjetërsueshme dhe të barabarta në raport me çdo etnitet tjetër të barabartë. Në luftën e Vlorës gjendet një nga ato elementet formuese në formimin e shtetit të ri shqiptar. Kjo na bën që vlonjateve t’i jemi dy herë borxhlinj për arsye të luftës së Vlorës. Gramoz mos u mërzit se nuk e përjashton kjo të ndjerit borxhli ndaj Tepelenës.
Sot në këtë përvjetor jubilar është momenti për të kujtuar jo thjeshtë heroizmin e kësaj ngjarje në vetvete, por edhe peshën e kësaj ngjarje, jo thjeshtë si akt kundërshtie ndaj një force të huaj në territorin sovran, por edhe si një fakt këmbëngulje për themelimin e shteti”, tha Rama.
