Ministrja e Ekonomisë, Anila Denaj u takua ditën e sotme me homologun e saj nga Kosova, Skënder Reçiça.
Në një konferencë të përbashkët për shtyp, Denaj deklaroi se është duke u punuar për një formalizim sa më të madh të ekonomisë në Shqipëri dhe Kosovë.
Ndërsa ministri kosovar, Reçiça, u shpreh se është arritur marrëveshja punësim arsim.
Anila Denaj: Duhet të formalizojmë tregun e punës. Neve na kërkohet që të kemi rezultate deri në fund të muajit dhe mbetem besim-plotë se do ia dalim të kemi sukses.
Skënder Reçiça: Për ne është kënaqësi të jemi në Shqipëri. Diskutova me zonjën Denaj për shumë çështje që prekin punëtorët. Diskutuam temat që na shqetësojmë, ne do tentojmë që të lehtësojmë jetën e një qytetari në Podujevë me atë të Vlorës, atë të Gjakovës me të Elbasanit etj.
Ne duam të nënshkruajmë marrëveshje për unifikim të tregut të punës. Pas kësaj marrëveshje, qytetarët tanë do kenë më shumë mundësi për studim profesional dhe për punësim. Zyrtarizimi i marrëveshjes përafron Shqipërinë dhe Kosovën me BE-në.
Re.Gu/fjala.al
