“Lajmi i sotëm në gazetën Die welt që i referohet Turqisë në lidhje me Mesdheun Lindor është tërësisht produkt i imagjinatës”, tha Aksoy.
Sipas raportimeve të mediave gjermane Ministria e Jashtme e Turqisë e quajti “produkt imagjinate” një artikull të gazetës gjermane Die Welt që i referohet Turqisë në lidhje me zhvillimet në Mesdheun Lindor.
E ndërkohë dje media gjermane WELT shkruante se po të ishte për Presidentin Erdogan, Marina turke do të kishte fundosur anijet greke në Mesdhe kohë më parë.
Media Gjermane citon disa burime të saj që bëjnë me dije se Erdogan u kishte kërkuar pak ditë më parë gjeneralëve të tij të fundosnin një anije luftarake greke.
“Fakti që zëdhënësi i qeverisë greke bëri akuza kundër vendit tonë bazuar në këtë lajm imagjinar është një manifestim i ri i politikës provokuese të këtij vendi në Mesdheun Lindor, i cili është i shkëputur nga realiteti, i papajtueshëm me praktikat dhe ligjin ndërkombëtar. Në vend që të merren me lajme të tilla të pabaza, autoritetet greke duhet t’i japin fund hapave që rrisin tensionet në rajon”, theksoi Aksoy.
