Grenell përgënjeshtron Serbinë: S’kemi ushtruar presion për njohjen e Kosovës

113 563 lexime

124,178FansaPëlqeje

I dërguari i Posaçëm i presidentit amerikan për bisedimet Kosovë-Serbi, Richard Grenell, e ka përgënjeshtruar lajmin se ai i ka paraqitur presidentit serb, Aleksandar Vuçiq një dokument për nënshkrimin e njohjes së pavarësisë së Kosovës.

“E pavërtetë”, ka shkruar Grenell në profilin e tij në Twitter.

https://twitter.com/RichardGrenell/status/1301555788054437888

Në Shtëpinë e Bardhë po mbahen bisedimet ndërmjet Kosovës dhe Serbisë.

Pjesë të takimit janë këshilltari amerikan për Siguri Kombëtare i Shtëpisë së Bardhë, Robert O’Brien, si dhe i dërguari i Posaçëm i presidentit amerikan për bisedimet Kosovë-Serbi, Richard Grenell.

Para fillimit të bisedimeve të enjten, Grenell ka thënë se populli i Kosovës dhe ai i Serbisë meritojnë normalizimin ekonomik dhe mundësinë për të krijuar një ekonomi gjallëruese.

Kryeministri i Kosovës, Avdullah Hoti, para takimit në Shtëpinë e Bardhë të enjten, ka deklaruar se asnjë diskutim tjetër nuk bëhet me Serbinë, përveç se për njohje reciproke.

Ndërsa presidenti i Serbisë, Aleksandar Vuçiq, ka thënë se pala serbe do të bëjë çmos për të arritur një kompromis për çështje të rëndësishme ekonomike.

Ministri i Financave i Qeverisë së Serbisë, Sinisha Malli, i cili është pjesë e delegacionit të Serbisë në Uashington, u ka thënë gazetarëve që Serbia, gjatë bisedimeve, “po lufton për çdo fjali dhe për çdo fjalë”.

“Temat ekonomike, është e dukshme që nuk janë përparësi, ashtu siç kemi pritur. Pika e dhjetë e listës që na është prezantuar, flet për njohjen e ndërsjellë, ndërkaq të 16 pikat janë politike dhe jo ekonomike, të cilat i kemi pritur”, tha Malli.

Ai vlerësoi që presioni ndaj delegacionit serb është “i madh”./REL

Të fundit

‘Më erdhi keq për largimin e Sulës’/ Korreshi: Ka treguar përkushtim dhe cilësi ndër vite

Deputeti i Partisë Demokratike, Saimir Korreshi, ka komentuar pozicionimin e tij në listën e sigurt të kandidatëve për zgjedhjet...

Zgjedhjet e 11 majit, për opozitën

Zgjedhjet parlamentare të 11 majit të 2025 janë të parat në historinë tonë demokratike që nuk zhvillohen për të zgjedhur pushtetin por opozitën. Asnjëherë...

Gjobat dhe kamatat “nuk ekzistojnë më”, Berisha premton pastrim total të detyrimeve

Kreu i Partisë Demokratike, Sali Berisha, gjatë një takimi me banorët e degës nr. 2 në Tiranë, ka premtuar se me ardhjen e PD...

Bitcoin bie me 20% të vlerës/ Trump “fik” edhe kriptomonedhat!

Gjallërimi kishte nisur, ndërsa fitorja e Donald Trump i dha një tjetër hov tregut të kriptomonedhave. Por katër muaj nga betimi si President i...

Tani që s’ka fëmijë, po ndërtohen shkolla’, Rama i përgjigjet komentuesit

Kryeministri Edi Rama, i është përgjigjur komentuesve në rrjetet sociale, në rubrikën ‘Sy m’Sy lidhur me arsimin në vend. Një komentues shkruan: ‘Tani që Shqipëria nuk...

Lajme të tjera

Web TV