Ka uruar dhe vlerësuar marrëveshjen mes Kosovës dhe Serbisë edhe kreu i grupit parlamentar te PS, Taulant Balla.
Ball aka shkruar që Shengeni Rajonal nuk paska qenë një plan serb për të “pushtuar” ekonomikisht rajonin./Jo.Be/Fjala.al
Postimi i plotë i Taulant Ballës:
Shumë urime dhe vlerësim maksimal për Kryeministrin e Kosovës Avdullah Hoti për Marrëveshjen e arritur.
Ja pra Shengeni Rajonal nuk paska qenë një plan serb për të “pushtuar” ekonomikisht rajonin, siç e sulmonin disa këtu në Tiranë që Kosovën nuk hezitojnë ta përdorin si fushë për lojën e tyre politike.
Shengeni Rajonal është një domosdoshmëri historike sot për zgjerimin e hapësirës së lirisë së lëvizjes për njerëzit, mallrat, shërbimet e kapitalet.
Mirënjohje SHBA, pa mbështetjen e të cilëve dhe të miqve të tjerë europianë, shteti i Kosovës nuk do të kishte lindur dot kurrë.
