Nënshkrimin e marrëveshjes në Shtëpinë e Bardhë mes Kosovës dhe Serbisë e ka përshëndetur dhe kryeministri Rama përmes një statusi ne rrjetin social Twiteer.
Rama u shpreh që njohja e Kosovës nga Izraeli ishte fruti më fantastik i kësaj marrëveshjeje. Kreu i qeverisë shkoi që lufta për paqen përfundimtare me Serbinë s’behet me shpata virtuale kundër Beogradit e as me damkosje digjitale tradhëtarësh imagjinarë./Jo.Be/Fjala.al
Statusi i plotë i Ramës:
ASNJË TRADHËTI BURRA! Urime Kryeministrit Hoti për marrëveshjen e arritur me Serbinë, e cila s’është fundi po vazhdimi i të vetmes rrugë drejt njohjes përfundimtare: Dialog për gjithçka, Bashkëpunim për çka mundet sot, Këmbëngulje për çka duhet nesër!
Keqardhje që u humb kaq kohë për t’u dakordësuar me Shengenin Rajonal,si një projekt ambicioz me interes kombëtar zhvillimi përmes rritjes së bashkëpunimit, e si një shtysë më shumë për integrimin europian të shteteve tona
Njohja e Kosovës nga Izraeli është fruti fantastik i kësaj marrëveshjeje me potencial të madh zhvillimor, po edhe shembull për të gjithë që lufta për paqen përfundimtare me Serbinë nuk bëhet as me shpata virtuale kundër Beogradit, as me damkosje digjitale tradhëtarësh imagjinarë!
