Cilësohet si një nga ngjarjet më makabër që ka ndodhur në Shqipëri në këto 30 vite. Babai dhe vëllai kanë vrarë të bijën e tyre pasi ishin kundër bashkëjetesës së saj me një person të cilin nuk e pranonin. “Fjala.al”, publikon në mënyrë të përmbledhur këtë ngjarje makabër të ndodhur në vitin 2012, por që i vetmi ngushëllim është zbulimi i këtij krimi.
1. Eglantina Buci u cilësua e zhdukur në vitin 2012, por hetimet nuk zbuluan vendndodhjen e saj dhe asnjë të dhënë rreth kësaj zhdukjeje.
2. Në vitin 2017 në polici mbërriti një informacion sipas të cilit 23-vjeçarja mund të jetë vrarë nga i ati Faik Buci dhe vëllai Shkëlzen Buci.
3. Në polici mbërrin një telefonatë nga një gjahtar sipas të cilit kishte gjetur disa eshtra në Malin me Gropa, mbrapa Malit të Dajtit.
4. Policia dhe Prokuroria e Tiranës, pasi ekzaminuan mbetjet e eshtrave vërtetuan se ato i përkisnin Eglantina Bucit. Ekspertët e nxorën këtë konkluzion pas krahasimit me ADN-n e të ëmës së Eglantinës.
5. Babai i Eglantinës, Faik Buci, kundërshtoi kërkesën e policisë që ai mund të bënte një ceremoni mortore për të varrosur eshtrat e të bijës, kjo ngjalli dyshime te hetuesit.
6. Një i penduar i drejtësisë, mik i Shkëlzen Bucit, ka treguar për hetuesit se ai ka shoqëruar Eglantina Bucin bashkë me të vëllain në Malin me Gropa.
7. I penduari ka treguar se i vëllai, Shkëlzen Buci, ka ekzekutuar të motrën dhe më pas i ka kërkuar ta mbajë të fshehtë krimin.
8. Shkëlzen Buci ndodhet në burg për një vrasje në tentativë në vitin 2017. Ai do të vriste aktorin Mishel Prela, i cili mbeti i plagosur, kundrejt një shume prej 80 mijë eurosh.
9. Sipas vetë të penduarit ai ishte paguar nga familja e Eglantinës që të joshte atë.
10. Sipas të penduarit, i ati dhe vëllai i Eglantinës kanë kryer vrasjes, pasi kanë qenë kundër bashkëjetesës që ajo kishte me një person të cilin ata nuk e dëshironin./Fjala.al
