Ditën e sotme është arritur marrëveshja me Entonjo Elezaj si afirmimi më i ri i klubit të Kukësit. Fjala.al ka kontaktuar me 24-vjeçarin i cili ndodhet në Tiranë së bashku me babain e tij dhe menaxherin Sergio Mezi.
Elezaj ka marrë pjesë edhe në skuadra italiane të Serisë B dhe C si Lançiano, Pro Verçeli, Peruxhia, Rasing Fondi dhe Katanzaro. Gjatë sezonit të fundit ka qenë pjesë e klubit nga Malta, Sliema Uanderers, ku deri në mars si pasojë e pandemisë së Covid-19 që përfshiu botën kur u ndërprenë aktivitetet kishte luajtur 7 ndeshje.
Gjatë ditës së sotme, së baashku me menaxherin e tij, Sergio Mesi, portieri zhvilloi një takim me drejtuesit e Kukësit, nga ku arriti marrëveshjen për një sezon me opsion rinovimi. Kështu, Kukësi ka katër portierë si Dashamir Xhika, Angelos Tafa, Entonjo Elezaj dhe Jetmir Basha./Re.Gu/Fjala.al
