Koronavirusit që vazhdon të mbajë të mbërthyer botën nuk ka kursyer as shumë vende të Ballkanit.
Kështu, gjatë 24 orëve të fundit në Rumani janë regjistruar 1380 raste të reja të prekur nga Covid, dhe 47 viktima.
Ndërkohë numri i përgjithshëm i atyre që kanë humbur jetën prej fillimit të pandemisë është rritur në 4065, kurse totali i infeksioneve ka shkuar në 99684 gjithashtu janë shëruar edhe mbi 41 mijë pacientë.
Kroacia ndërkohë ka raportuar për 291 raste të reja infeksioni dhe 2 viktima Covid.
Sipas autoriteteve, numri i përgjithshëm i të prekurve që prej fillimit të pandemisë është rritur në 12 917 kurse totali i vdekjeve ka shkuar në 208. Gjithashtu janë shëruar edhe 10114 pacientë.
Edhe Sllovenia ka raportuar sot për 77 raste të reja infeksioni dhe asnjë viktimë. Totali i të prekurve është rritur në 3389 kurse vdekjet raportohet të jenë 135
Ndërsa Mali zi raportoi ditën e djeshme 219 raste pozitive dhe 2 viktima të shënuara nga Covid, për një total prej 6094 të prekurish nga infeksioni dhe 114 vdekje që prej fillimit të pandemisë. Ru. Do/ Fjala.al
