Pierre-Emerick Aubameyang është gati të rinovojë kontratën me Arsenalin. Sulmuesi Gabonez ka rënë dakord për një kontratë të re me ‘topçinjtë’ e Londrës për tre sezone deri në vitin 2023, e cila do të mbyllet menjëherë.
Futbollisti, i cili në fillim të këtij viti shprehu dëshirën për të ndryshuar klub, do të përfundojë duke lidhur të ardhmen e tij me atë të klubit londinez. Ardhja e Mikel Arteta në stol dhe titujt e FA Cup dhe Community Shield duket se e kanë bërë sulmuesin të ndryshojë mendim dhe të vazhdojë të qëndrojë në klub.
Aubameyang, i cili fiton 215 mijë euro në javë nga kontrata aktuale, duket se do të bëhet futbollisti i dytë më i paguari i Arsenali-t, pas Mesut Ozil, duke fituar afro 15 milion euro.
31 vjecari ka marrë pjesë në 44 ndeshje sezonin e kaluar ku dhe ka shënuar 29 gola, duke qenë vendimtar për dy titujt e fituar nga Arsenali.
Fj.Ak/Fjala.al
