Sebastian Vettel ka bërë zgjedhjen “ideale” me transferimin tek Aston Martin për sezonin e ardhshëm, sipas Lewis Hamilton.
Kalimi i Vettel në ekipin e njohur si Racing Point, u njoftua të Enjten, një ditë pasi Sergio Perez deklaroi se do të largohej.
“U ndjeva vërtet i kënaqur kur e dëgjova, tashmë ekipi ka pronarë të rinj, është duke bërë hapa të mëdhenj përpara dhe do të vazhdojë të rritet” -shprehet Hamilton.
Kampioni i botës mendon se transferimi i Vettel është një armë e mirë zhvillimi për ekipin anglez.
“Ndoshta po tregohem i njëanshëm, por besoj se përvoja vlen shumë. Ai padyshim që ka pasur një kohë të vështirë tek Ferrari, por le të kujtojmë se ai është katër herë kampion i botës. Kam besimin se mund ta çojë atë ekip edhe më tej, në një drejtim më të mirë për sa i përket zhvillimit të makinave” -tha 35 vjecari.
Piloti britanik, duke folur në prag të fundjavës së Grand Prix të Toskanas, shtoi se ai ndjente keqardhje për Sergio Perez, por tha se meksikani ishte një pilot i shkëlqyeshëm dhe shpresojmë se do të ketë mundësi të tjera në të ardhmen.
Fj.Ak/Fjala.al
