Një aksident i rëndë me katër viktima është regjistruar në autostradën Igumenica-Preveza, në Kastrosikia. Mes katër viktimave është dhe një vajzë 19-vjeçare me origjinë shqiptare.
Mediat vendase bëjnë me dije se dy automjetet janë përplasur me njëra tjetrën duke u shkatërruar plotësisht. Janë dashur plot 9 zjarrfikës për nxjerrjen e 4 trupave. Në njërën prej makinave ndodhej 19-vjeçarja me origjinë shqiptare, dy shokët e saj grekë, përkatësisht 19 dhe 23-vjeç, ndërsa në makinën tjetër një pensionist 70-vjeç.
Pamjet e frikshme të aksidentit kanë pushtuar mediat greke, ndërsa policia akoma nuk ka zbardhur shkaqet e ngjarjes./re.gu/Fjala.al
