Maqedonia e Veriut ka regjistruar dy të vdekur dhe 98 të infektuar me koronavirusin e ri gjatë 24 orëve të fundit.
Sipas raportit të Ministrisë së Shëndetësisë, viktimat janë nga Ohri dhe Radovishi të moshës 54 dhe 51 vjeç. Numri i përgjithshëm i viktimave ka arritur në 648 persona.
Sa i përket rasteve të reja me COVID-19, shumica janë nga Shkupi (17), Kumanova (13), Prilepi (11), Tetova (10) ndërsa numër më i vogël është shënuar në 18 qytete tjera.
Që nga konfirmimi i rasteve të para me COVID-19 e deri më tani janë diagnostikuar 15,791 persona dhe prej tyre 13,184 janë shëruar, ndërsa aktivë janë 1,959 persona. Numër më të madh të rasteve aktive ka në Shkup (564), Kumanovë (221), Prilep (139) dhe Tetovë (127)./re.gu/Fjala.al
