Pëllumb Pipero në një rrëfim ndryshe: Nëna na la herët, natën punoja në fabrikën e tullave dhe ditën studioja

113 563 lexime

77,324FansaPëlqeje

Së fundi Pëllumb Piperon e shohim shumë shpesh në ekran. Kjo për shkak të detzrës së tij si mjek infeksionist.

Të gjithë kemi qënë sy e vesh të dëgjonim këshillat që mjeku Pipero ka dhënë për tu mbrojtur nga COVID-19, por kësaj here ai ka dalë në ekran shumë ndryshe.

Pipero ka rrëfyer jetën e tij në një intervistë në emisionin “Rudina”.

I lindur në Skrapar, në një familje me shumë halle, kur ishte në moshë fare të vogël, familja e Pëllumb Piperos u tranferua në Vorë. Aty, mjeku përfundoi me rezultate të shkëlqyera shkollën 8-vjeçare dhe të mesme shkruan Class.

Pas një viti stazhi pune, nisi studimet e larta për mjekësi në Tiranë, me shumë vështirësi, por me një bursë që ndihmoi të gjithë familjen asokohe. Në vitin e tretë të studimeve të larta, Pipero humbi të ëmën kur ajo ishte vetëm 40 vjeç. Vëllai më i vogël ishte 5-6 vjeç. Babai nuk u martua më dhe të gjithë bashkë iu përkushtuan njëri-tjetrit: “Nëna na la shumë herët. Ka vdekur 40 vjeç, vëllai i vogël ishte 5-6 vjeç, babai nuk u martua më. Atë bursën që merrja e ndaja me të gjithë. Isha në vit të tretë në fakultet. Natën punoja në fabrikën e tullave në Vorë, ndërsa ditën ndiqja shkollën… Pasi mbarova studimet e larta me mesatare shumë të mirë, afro 9.9, u propozua që të më mbanin aty, por nuk funksionoi. Edhe asokohe duhej një referim…”, – kujton Pipero.

Fill pas kësaj kohe, e kërkon mjek Spitali Ushtarak, në të cilin pak kohë më vonë do të njihte edhe njeriun e jetës së tij. Moza, sot bashkëshortja e mjekut, vazhdonte shkollën e mesme për infermieri, por në pushimet verore punonte në Spitalin Ushtarak: “Ishte shumë simpatike dhe shumë e shkathët…” – tregon Pipero pak i sikletosur. Nuk e dinte që vetëm pak kohë më pas, do të largohej që aty për t’u transferuar në mjekun e një reparti ushtarak. Por tashmë me një peng: “Më çuan doktor në një repart ushtarak, por ishte një periudhë e keqe. Kalova në depresion. Halle të mëdha në familje, halle në jetën personale…”

Lexo edhe :  “FBI-ja shqiptare” po zgjedh agjentët-hetues, aplikojnë 165 punonjës policie

Por do të kalonte kjo fazë e mjeku e gjeti veten sërish në Tiranë, ku do të krijonte familje. Sot, baba i dy fëmijëve të mrekullueshëm dhe gjysh me nip e mbesë, Pipero ndihet i plotësuar: “Kam një familje të mrekullueshme. Ju më pyetët sa vite kam i martuar, por mua më duket sikur kam lindur me Mozën”, – thotë me të qeshur duke vijuar të flasë me adhurim për vajzën dhe djalin, të cilët, ashtu si ati, kanë vijuar e kanë shkëlqyer në rrugën e tyre.

Megjithatë, familja e Piperos ka marrë një vendim gjatë kësaj periudhe pandemie: “Familja ime ka marrë një vendim, të mos jetë pjesë e medias. Ata e kanë quajtur sfidën time”, – thotë mjeku, por thekson se ky është vendim i përkohshëm, sepse në një moment të dytë, edhe ata mund të jenë pjesë e medias… /Ra.My.Fjala,al/

Të fundit

Shkenca nxjerr mësime të reja për CO*VID-19

Rreth një million njerëz kanë humbur jetën nga COVID-19 në shkallë globale. Kjo humbje tragjike ka krijuar edhe një...

Foto/ Imazhe mahnitëse, Toka e parë nga qielli

Awards Drone është konkursi kryesor në botë për fotografitë nga ajri dhe video në të cilën marrin pjesë fotografë nga 126 vende të ndryshme....

Modelja e njohur shkon me urgjencë në spital, shkak komplikacionet e shtatzanisë

Modelja e njohur amerikane, Chrissy Teigen, është ushtruar me urgjencë në spital. Mediat bëjnë me dije se ajo është bërë keq për shkak të...

E trishtë/ Poshtërohej nga shokët e konviktit, 14-vjeçari var veten në oborrin e shkollës

Bullizmi është një problem global i cili po ndikon shumë keq tek fëmijët në mbarë botën. Rastet e këtij fenomeni janë nga më ekstremët,...

Si të kujdesemi për tatuazhet, mirëmbajtja dhe gabimet që nuk duhen bërë  

Udhëzues i vogël se si të shmangni rrezikun e infeksioneve dhe skuqjes por gjithashtu që ato veniten ose shurdhohen Është art, në të gjitha aspektet....

Lajme të tjera

Web TV