Policia ka arrestuar në Tepelenë dy të rinj të cilët kanë goditur një efektiv policie ndërkohë që ishte në detyrë.
Ngjarja ka ndodhur në pedonalen e qytetit të Tepelenës ndërkohë që efektivi i policisë patrullonte në zonë për ruajtjen e rendit.
Për këtë vepër penale u bë i mundur arrestimi i 2 shtetasve të akuzuar si autorë të ngjarjes.
Konkretisht bëhet fjalë për dy të rinj, E.Q., 25 vjeç dhe R. Q., 21 vjeç, banues në Tepelenë.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme. /Ra.My.Fjala.al/
