Marash Kumbulla te Roma. Kjo ishte lëvizja befasuese e merkatos që la me ‘gisht në gojë’ Juventusin, Interin dhe Lazion. Talenti kuqezi mbërriti ditën e djeshme në Romë ku kreu vizitat mjekësore dhe hodhi firmën në kontratë.
Sot ka qenë dhe klubi verdhekuq ai që ka prezantuar Marashin në rrjetet sociale.
Faqja zyrtare e Romës ka postuar një video të Kumbullës të veshur verdhekuq dhe po ashtu ka vijuar fushatën e saj për fëmijët e humbur, mes të cilëve shfaqet dhe fotoja e një shqiptari të zhdukur në Angli të quajtur Fatmir Matmuja. Këtë fushatë klubi verdhekuq e ka nisur që dvitin e kaluar në mënyrë që të asistojë sa më shumë në gjetjen e fëmijëve të humbur. Kujtojmë që vitin e kaluar në prezantimin e Zappacostës tek Roma spikati edhe foto e Bleona Matës.
“Roma përfaqëson një mundësi, një sfidë, ishte e pamundur të refuzoja. U binda nga plani i klubit dhe nuk hezitova të merrja vendimin. Do bëj gjithçka që të mos zhgënjej ato që besuan tek unë,” ishin fjalët e para të Kumbullës
Pa.Va/Fjala.al
