Shumica prej nesh e kanë provuar të paktën një herë në jetë të takoheni me dikë dhe brenda pak minutash e dini se do të jeni miq – ose më shumë. Shpesh, zbulimi i mendimeve të njëjta forcon më shumë marrëdhënien; mund të zbuloni që të dy i pëlqeni pikturat e Paula Rego, ose që të dy e urreni muzikën klasike.
Pas pak minutash bisedë ju kuptoni se jeni të tërhequr nga biseda me të dhe gjeni veten duke bërë shaka si të ishte dikush që e njihni prej vitesh.
Por pse ndodh kjo? Sekreti i asaj që i bën bisedat tona me disa njerëz kaq magnetike dhe me të tjerët zbehen, mund të jetë jo vetëm me kë po flasim – por ajo për të cilën po flasim.
Shumë nga bisedat tona më të mira, qoftë me një të njohur të ri apo me një mik të vjetër, kanë të bëjnë me botën rreth nesh sesa me veten tonë. Ato shpesh janë edhe bisedat që na sjellin më pranë njëri-tjetrit. Psikologia e Universitetit të Columbia-s, Maya Rossignac-Milon e quan këtë “kuptimin e botës së bashku”. Dhe ajo mendon se është sekreti i marrëdhënieve të mira./Re.Gu/Fjala.al
