Dy të rinj janë arrestuar pasi akuzohen për falsifikim të pasaportave dhe dhënie ndihme për kalim të paligjshëm të kufijve. Burimet zyrtare bëjnë me dije se personat e arrestuar janë I.N 22-vjeç, banues në Tiranë dhe Gj.P 30-vjeç, banues në Tiranë.
Shtetasi me inicialet I. N. i ka shitur një kartë identiteti greke me të dhënat e tij, shtetasit GJ. P., i cili ka tentuar të udhëtojë për në Angli. Materialet procedurale i kanë kaluar Prokurorisë, për veprime të mëtejshme.
Gjatë muajit shtator janë evidentuar dhe goditur edhe 12 raste të tjera, konkretisht 7 raste për falsifikim të pasaportave dhe letërnjoftimeve, 3 raste për dhënie ndihme për kalim të paligjshëm dhe 2 raste për mosdeklarim të vlerave monetare./Re.Gu/Fjala.al
