Më 27 dhjetor të vitit 1997 Këshilli i Lartë i Drejtësisë shkarkoi nga detyra Luan Dacin, për shkak të shkeljes së vendimit për shpërndarjen e firmës piramidale “Xhaferri”. Pasi u shkakrkua nga detyra në atë kohë Daci së bashku me krerët e PD-së organizoi grevë urie në ambientet e gjykatës, duke penguar veprimtaritë gjyqësore.
Fsheja e vendimit për shpërndarjen e ish fondacionit piramidal “Xhferri”, për 6 muaj me rradhë është shkaku që SPAK ka marrë si të pandehur Anëtarin e Kolegjit të Posaçëm të Apelit Luan Daci.
Këtë fakt Daci e fshehu teksa kandidoi për t’u bërë pjesë e institucioneve të vetingut rreth 3 vite më parë. Më 27 dhjetor të vitit 1997 Këshilli i Lartë i Drejtësisë vendosi shkarkimin e Dacit me motivin “shkelje e rëndë në detyrë”.
Gjithashtu Luan Daci akuzohet për një sërë shkeljesh të tjera flagrante të ligjit, siç është organizimi i një greve urie së bashku me krerët e PD-së së kohës, Genc Pollo, Azem Hajdari dhe Shamban Memia në ambientet e gjykatës duke penguar veprimtaritë gjyqësore.
Më 20 maj, Prokuroria e Posaçme kundër Korrupsionit dhe Krimit të Organizuar, SPAK njoftoi se Daci ishte marrë i pandehur për falsifikim dokumentesh gjatë aplikimit të tij për pozicionin e anëtarit të KPA-së.
Në shkallën e parë, kërkesa kërkesa e SPAK u pranua, por më 5 qershor, Gjykata e Posaçme e Apelit, rrëzoi pretendimet e institucionit të akuzës, me argumentin se në procesin e aplikimit për një post në institucionet e vetingut nga Daci, nuk ka elementë të veprës penale të falsifikimit.
Por, prokurorët e SPAK i bënë rekurs vendimit. Disa ditë më parë Gjykata e Lartë pranoi një rekurs të Prokurorisë së Posaçme kundër Korrupsionit dhe Krimit të Organizuar, për masën e sigurisë ndaj gjyqtarit të Kolegjit të Posaçëm të Apelimit, Luan Daci dhe vendosi ta kalojë çështjen për shqyrtim në seancë gjyqësore. Marrë nga “Fjala TV”
La.Mi/Fjala.al
